Ankoraux bona ideo :
"Kurta Kino Esperanto Festivalo ( v. sube)
SEMAJNO DE INTERNACIA AMIKECO: 19-25. de FEBRUARO en 2007.
----------------------------------------------------------
"Ni ekbruligu la flamon de Amikeco trans limoj. Gxia lumo signifas justecon, fratecon, pacon inter homoj kaj popoloj. Kaj por ke tiu flamo povu lumi pli klare en la mondo, ni laboras por la disvastigo de la neuxtrala internacia lingvo, Esperanto. En la servo de la nobla tuthomara kulturo gxi vivu, floradu kaj eligu la lumon de amikeco trans limoj."
Tiel Erik Carlén, antaux pli ol 36 jaroj anoncis la belan ideon pri la starigo de tiu cxi grava jara evento, kiu poste farigxis tutmonda tradicio de la Esperanto-medio. Al la origina ideo oni povas aldoni plurajn aliajn signifojn, laux propraj vidpunktoj kaj sugestoj de la medio, sed la ideo pleje respegulas la esencan fonon de nia lingvo internacia:
- egaleco inter homoj kaj nacioj;
- solidareco inter cxiuj gentoj;
- respekto de homaj rajtoj.
Tamen, malgraux la dekomenca sukceso inter ni esperantistoj, iom post iom, tiu cxi celebrado farigxis pli modesta, malmulte ekspluatita, preskaux forgesita. Cxu vere estas tiel? Donu vi respondon. La plei agema kaj vigla grupo estis gxis nun sendube tiu de Loveno (Leuven) en Belgio, kiu cxiujare organizas imponan arangxon kun subteno de la urba administracio. Petu sugestojn kaj informojn al tiuj esperantistoj, iIli estos kontentaj helpi vin.
Alia grupo kiu cxiam organizas ion elstaran estas tiu de Triesto (Italio), kiu cxi-jare dum tiu semajno prezentos “Kurta KinoEsperanto Festivalo”-n kaj la filmojn alvenintajn el Italio, Ukrainio, Litovio, Kroatio; jxurio kaj publiko vocxdonos por la plej bonaj. Spektontoj, ankaux ne esperantistoj, estos bonvenaj.
Pluraj Esperanto-grupoj arangxas komunan vespermangxon aux skribas bildkartojn al malproksimaj geamikoj, aliaj organizas ekskurseton, aliaj donacas librojn al fora E-grupo. La eblecoj ion fari estas abundaj, suficxas iom da bona volo. Bona, ecx bonega, ideo estus kolekti monon por financi la partoprenon de junulo al TEJO-Kongreso en Vjetnamio aux al UK en Japanio.
Mi invitas vin cxiujn partopreni en tiu cxi celebrado: bonvolu kontakti min -- se vi emas -- por peti informojn, sugestojn, indikojn; mi estas je dispono. Kaj…. se vi ion arangxos, bonvolu informi min kaj mi informos la aliajn, kiuj povos imiti vin kaj ricevi instigon al simila agado.
Edvige Ackermann Italio
<
[email protected]>
Komisiito de UEA pri SIA
laux "Gazetara komuniko de UEA"
----
fonto: Ret-info:
http://www.eventoj.hu
================================================== ==================
Teamo de kunlaborantoj de Eventoj kaj Ret-Info deziras al vi
- agrablajn julajn kaj jarfinajn festojn! -
http://www.eventoj.hu
================================================== ==================