Interessante site en hier iets over "Wie sjoan os Limburg is..."
Limburgs
Limburgs offesjeel erkant
Op 14 fibberwarie 1997 woor 't Limburgs offesjeel door de Hollese regering es taal erkant.
Vanoet de Pertie Nuuj Limburg (PNL) kaom veurige zoemer eine innesjetiefveursjlaag, óm 't gebroek van de Limburgse taal wiejer te sjtiepe en óm ei 'Algemein Gesjreve Limburgs' (AGL) te óntwikkele. Deze veursjlaag woor in de gedippeteerde sjtaote behanjeld. Nao 't evórtlaote van 't AGL, woeveur 't nog gein voldoonde pollitike sjtiep goof, woor de veursjlaag aangenómme. Dit meint det ein 'streektaalfunctionaris' door de provins is aangesjtèlt dae zich es 'wiesman' actief mit 't Limburgs geit besjeftige. Ouch weurt eine Raod veur 't Limburgs opgezat. De streektaalfunctionaris weurt Pierre Bakkes oet Mofert.
In de gezèt (Dagblad de Limburger) sjtèlde er zich alvas veur.
't Limburgs is ein echte taal
't Limburgs is ein zelfsjtendige en volsjtendige taal, en haet nauw lingwistisse benj mit Pruses en Holles. 't Haet eine angere oersjprunk es 't Holles en 't besjtrik ei semmelik groet gebeed. Ómmetóm ein miljoon luuj kalle aldaag Limburgs, en 't taalgebeed sjtrèk zich oet bis euver de päöl nao 't Belsj en 't Pruses.
Väöl luuj gaeve de Limburgse taal aan es 'de Limburgse dialekte'. Dit sjtömp neet, den eine dialek is sjlechs eine varrejant van ein zelfsjtendige taal. 't Limburgs, aevel, is erkant ónger 't Europees Verdraag van Lokaal- en Minderheidstale. 't Doel van dit verdraag is 't besjirme en sjtiepe van klein tale in de Europa. Belangriek aevewaal, veur 't aafpäöle van 't begrip 'dialek' zeen de criteria die 't 'European Bureau for Lesser used Languages' hieveur gebroek: "Dialekte richte zich aanbelang de gebroekde wäörd, zatsboew en rechsjrieving nao ein sjtanderdtaal." Gein van dees drie guld veur 't Limburgs. Veer kinne dus waal kóngkledere det 't Limburgs ein volsjtendige taal is, dae zich zelfsjtendig haet óntwikkeld.
De versjille die 't tösje de dialekte in Limburg óngerlings geuf, kómme in jeder taal veur. Emes oet Remunj kalt angers es emes oet Mestreech, zjus wie eine Hollenjer angers kalt es eine Braobenjer.
Veur mie infermasie,
zuug de Hollese verzie van dees webziej.
var sc_project=1020464; var sc_invisible=1; var sc_partition=9; var sc_security="2d6221ec";
PS: miss moet deze topic van ondertitels voorzien worden.
Ik veronderstel dat lokale dialecten zoals Gents of Antwaarps e.d. niet meedoen..