De reacties in Amerika en Zuid-Afrika waren pas erg, zie bv de korte bloemlezing uit
Die Burger :
Rassevideo skok wêreldwyd
CHARLES SMITH
29/02/2008 10:42:06 AM - (SA)
WASHINGTON. – Oudpres. Nelson Mandela se droom van ’n reënboognasie is besig om aan skerwe te spat, lui die reaksie op die video uit Suid-Afrika wat skokgolwe oor die hele wêreld stuur en vergelykings met Nazi-Duitsland en die Aboe Ghraib-tronkvergrype in Irak ontlok.
Die volle Suid-Afrikaanse tragedie van rassisme, geweld en onderliggende haat kom ook tot uitbarsting in aanlynbesprekings waarop die studente van die Universiteit van die Vrystaat (UV) se video bespreek word.
Die video was hoofnuus op CNN en met die opskrif “Whites tricked blacks to drink urine” was dit een van die toptien-nuusitems op die internasionale televisiekanaal se hofie vir wêreldnuus.
AmericaOnline, met miljoene intekenare, het die video onder die *opskrif “Racist video sends shock*waves all over world” aangebied.
Teen gisteroggend (Amerikaanse tyd) het die soekenjin Google 311 nuusitems hieroor van oor die wêreld heen met dieselfde opskrifte uitgeskop.
The New York Times het ’n kort berig deur AP ingehad waarin daar na Bloemfontein as die hoofstad van “die voormalige Republiek van die Oranje-Vrystaat, bastion van die Afrikaners” verwys word.
AFP se berig op Yahoo News lui die video het “nuwe lig gewerp op rassisme in die Reënboognasie’’. Time.com het berig die geweld wat Woensdag op die kampus uitgebreek het, was feitlik 16 jaar ná die vrylating van Mandela en wys hoe ver sy “droom van ’n reënboognasie van realiteit af weg is”.
’n Meisie met die skuilnaam “frenchgal” se reaksie op hottestgossip.com is: ‘’Dit is niks nuuts nie. Ek was in Suid-Afrika en was geskok om te sien hoe rassisties die mense is, veral die Afrikaners. Hulle is die slegste mense op aarde.’’
’n Somaliese uitgewekene in Suid-Afrika skryf egter dat hy veel erger in die land behandel word as wat die video uitbeeld. “Ons word lewend verbrand en elke dag beroof deur swart Suid-Afrikaners. So, as jy my vra, is hierdie Suid-Afrikaanse nasie opgef—k. Punt.”
“Een keer ’n Boer, altyd ’n Boer,” is nog ’n reaksie. ’n Ander deelnemer skryf: “Te hel met wittes. Ek haat hulle nou, môre en vir ewig. Punt.”
Voor de duidelijkheid, dit soort haat en racisme tegen blanken - en dan vooral Afrikaners - is dagdagelijkse kost in Zuid-Afrika.